Schluuch vo Fass eis: usrolle !

Mier sy vo der Füürwehr, Tag u Nacht bereit,
chöme schnäll wie d’Füürwehr, wes um d’s lösche geit.
Mier sy vo der Füürwehr, ’s isch en alte Bruuch,
immer we me lösche sött, schteit eine uf em Schluuch.

Schluuch vo Fass eis: aschliesse !

I ha hüt krampfet wie verruckt u ha ne riese Durscht,
da muess me lösche, da muess me lösche.
I wott jetzt öppis trinke alles andre isch mer wurscht,
da muess me lösche, da muess me lösche.

O d’s Wätter isch der ganzi Tag schampar warm,
das isch e Notfall gar kei Frag, ’s isch Alarm.
Alarm, Alarm, Alarm !

Mier sy vo der Füürwehr, Tag u Nacht bereit,
chöme schnäll wie d’Füürwehr, wes um d’s lösche geit.
Mier sy vo der Füürwehr, ’s isch en alte Bruuch,
immer we me lösche sött, schteit eine uf em Schluuch.

Schluuch vo Fass eis: Wasser marsch !

I ha ne Hals wie Löschpapier, däm fählt e chüele Schluck,
da muess me lösche, da muess me lösche,
jetzt müesst er aber Vollgas gä, i bruche euch ruck zuck,
da muess me lösche, da muess me lösche.

Der Löschzug isch für alli da, für riich und arm,
jetz muess es aber vorwärts ga, jetzt isch Alarm.
Alarm, Alarm, Alarm !

Mier sy vo der Füürwehr, Tag u Nacht bereit,
chöme schnäll wie d’Füürwehr, wes um d’s lösche geit.
Mier sy vo der Füürwehr, ’s isch en alte Bruuch,
immer we me lösche sött, schteit eine uf em Schluuch.

Prost!