Wo dr Herrgott üsi Wält het gmacht,
het är druf Blueme gströit.
Wo das Wunderwärk isch fertig gsi,
het är sich dranne gfröit.
Het är sich dranne gfröit.

Jodel

U dr Herrgott geit dür ds Gärtli us
u luegt di Blueme a.
Vorem chline, zarte Veieli
blibt är äs Wiili stah.
Blibt är äs Wiili stah.

Jodel

Un är seit: "Herrje, wie bisch du chlin.
Mi chönnt ja uf di stah.
Drum söllsch du mit dim feine Duft
äs Ehreplätzli ha."
Äs Ehreplätzli ha.

Jodel